კლასში განხორციელებული სოციალური პროექტი

                                   პროექტის     გეგმა

პროექტის  ავტორი : სსიპ ქალაქ  ქუთაისის N15 საჯარო სკოლის მასწავლებელი და ამავე დროს მე-6ა კლასის ხელმძღვანელი–ინგა თათელიშვილი                                                                                                                                                                                

პროექტის სახელწოდება – „სპორტი ჩემს ცხოვრებაში“

პროექტის განხორციელების ვადები:    15 .10 .2018 - 26.10.2018

პრობლემის  აქტუალობა: კლასის დამრიგებელი სკოლის ცხობრებაში მნიშვნელოვანი ფიგურაა. ჩემი მიზანია ხშირი ურთიერთობა მქონდეს მოსწავლეებთან, ვიყო მათი მრჩეველი და ამღზრდელი, ხშირად მქონდეს მათთან საქმიანი ურთიერთობები და ვეხმარებოდე მათ პრობლემების მოგვარებაში, ღირსეულ მოქალაქედ აღზრდაში და ხელი შევუწყო მოსწავლეებში ავტონომიურობას.  სადამრიგებლო საათის პროგრამის ერთ-ერთი  პრინციპია -აღზრდის მთლიანობა ,რაც გულისხმობს, ფიზიკურად და ფსიქიკურად ჯანსაღი მოქალაქის აღზრდას.

კლასის საათზე საუბრისას, კერძოდ, „რა მნიშვნელობა აქვს სპორტს თქვენს ცხოვრებაში“, გამოიკვეთა, რომ მოსწავლეებმა ნაკლებად იციან სპორტის დანიშნულება ადამიანთა ცხოვრებაში.

პროექტის მიზანი:  გააცნობიერონ და გაიაზრონ სპორტის დანიშნულება მათ ცხოვრებაში, რომ სპორტი ზრდის ადამიანის გამძლეობას, მოთმინებას, სხეულისა და სულის სიძლიერეს, აძლიერებს იმუნურ სისტემას, ამაღლებს განწყობას, ებრძვის დეპრესიას, ადამიანი ხდება უფრო დაცული გარე სამყაროს ზემოქმედებისაგან, ადამიანი მორალულად ძლიერდება და ნებისყოფა უმუშავდება იმისა, რომ სპორტი აქციოს ცხოვრების განუყრელ ნაწილად.

მოსწავლეებს გამოუმუშავდეთ კვლევა-ძიების, დაკვირვების, თამამშრომლობის, ურთიერთპატივისცემის, ერთმანეთზე მზრუნველობის,  ქცევის უნარ-ჩვევები.

პროექტის ამოცანები:

1.     მოსწავლეებთან ერთად პროექტის განხორციელების პროცესის დაგეგმვა , მონიტორინგისა და შეფასების პროცესის გაცნობა

2.     სპორტული შეჯიბრებისთვის   საჭირო ქცევის წესების, ჩაცმულობისა და განაწილებული დავალებების საქმიანობის შესახებ ინფორმირება.

3.     საგანმანათლებლო აქტივობების დაგეგმვა;

4.     პროექტის მონიტორინგისა და შეფასების განხორციელება

მოსალოდნელი შედეგები:

·         გააცნობიერონ და გაიაზრონ სპორტის დანიშნულება მათ ცხოვრებაში და აქციონ ცხოვრების განუყოფელ ნაწილად

·         გამოიმუშაონ ჯანმრთელი ცხოვრების წესის უნარ-ჩვევები და ფიზიკური ვარჯიშის მიმართ ინტერესი

·         მოსწავლეებმა შეძლონ  სპორტულ შეჯიბრებებში   აქტიური მონაწილეობა

·         ჩამოუყალიბდეთ მოზარდს უწყვეტი განვითარების, მთელი ცხოვრების განმავლობაში ახალი ცოდნისა და ჩვევების დამოუკიდებლად შეძენის უნარი, რათა შეძლონ საკუთარი შესაძლებლობებისა და სულიერი მიდრეკილებების ადეკვატურად  განსაზღვრა და ამის მიხედვით საზოგადოებრივ ცხოვრებაში საკუთარი ადგილის დამკვიდრება; მოზარდი მზად უნდა იყოს არჩევანი გააკეთოს მომავალ ცხოვრებაში.

·         მოსწავლეები ჩამოთვლიან, მათი აზრით,  პროექტის განხორსიელებისას კლასისთვის  საჭირო აქტუალურ საკითხებს, რომელთა გადაწყვეტაშიც თავად სურთ მონაწილეობა და თანაკლასელებს  და დამრიგებელს  წარუდგენენ  ამ საკითხთა მოგვარების მისეულ გეგმას; 

·          ჯგუფები მოიპოვებენ ინფორმაციას ცნობილი სპორტსმენების შესახებ,  წარუდგენენ და გააცნობენ თანაკლასელებს( pover-point-ში  )მომზადებულ სლაიდებს .

·         მოსწავლეები გადაიღებენ სურათებს და  მოამზადებენ ვიდეორგოლებს, დაგეგმილი აქტივობების შესახებ და გააცნობენ შედეგებს   სკოლის საზოგადოებას.

·         მოსწავლეები გაიფართოვებენ თვალსაწიერს, გაეცნობიან ცნობილ სპორცმენებს და სპორტის სახეობებს და მონაწილეობას მიიღებენ სხვადასხვა სპორტულ შეჯიბრებებში. სპორტული შეჯიბრებების დროს გამოუმუშავდებათ კვლევა-ძიების, დაკვირვების, თამამშრომლობის, ურთიერთპატივისცემისა და ერთმანეთზე მზრუნველობის სხვადასხვა უნარ-ჩვევები.

·         მშობელთა ჩართულობა სპორტულ შეჯიბრებებში

მიზნობრივი ჯგუფი: მე–7 ბ კლასის მოსწავლეები

ამოცანების განსახორციელებლად საჭირო საქმიანობები:

ამოცანა:     მოსწავლეებთან ერთად პროექტის განხორციელების პროცესის დაგეგმვა, მონიტორინგისა და შეფასების პროცესის გაცნობა;  

აქტივობა 1.მოსამზადებელი სამუშაო, პროექტის მიზნებისა და ამოცანების გაცნობა მოსწავლეებისა და მშობლებისათვის. კლასის საათზე დასმული შეკითხვების შესახებ მსჯელობა და განსახორციელებელი პროექტის მიზნისა და აქტივობების დაგეგმვა. გაეცნობიან შეფასების კრიტერიუმებსა და მონიტორინგის სქემებს.

ამოცანა:      მოსწავლეების ინფორმირება - სპორტის სხვადასხვა აქტივობებში  საჭირო ქცევის წესების, ჩაცმულობისა და ინვენტარის მოძიება, გადანაწილებული დავალებებისა და  საქმიანობის შესახებ ინფორმირება.

აქტივობა 1. მოსწავლეებს ტრენინგები ჩაუტარდებათ  კლასის ხელმშღვანელისა და სპორტის მასწავლებლის  მიერ შემდეგ თემებზე:

1.       სპორტული  შეჯიბრებების დროს მოსწავლეთა დაკომპლექტების წესი და ძირითადი ფუნქციები. შეჯიბრებების დროს საჭირო ქცევის წესების, მოსწავლის უფლებებისა და მოვალეობების შემუშავება და გაცნობა.

2.       მოსწავლეთა და მშობელთა შორის  ფუნქციების გადანაწილება სურვილებისა და ინტერესების შესაბამისად და მათ შესრულებაზე ვალდებულება, საკუთარი შესაძლებლობების         რეალიზების  შეფასება.

3.       შეჯიბრებების  დროს ჩაცმულობა და საჭირო აღჭურვილობა.

ამოცანა:      საგანმანათლებლო აქტივობების დაგეგმვა;

აქტივობა 1.  დამრიგებლის - მოსწავლეთა ინფორმირება ადამიანის ცხოვრებაში სპორტის მნიშვნელობაზე

·         ცნობილი ადამიანების გამონათქვამები სპორტის შესახებ

·         ვიდეოკლიპების ჩვენება (საჭირო და აუცილებელი ვარჯიშები)

·         სპორტის გავლენა ადამიანის შრომისუნარიანობაზე და საქმიანობის შედეგებზე.

აქტივობა 2.  მოსწავლეთა ჯგუფები მოიპოვებენ ინფორმაციას საყვარელი სპორტის, საყვარელი სპორცმენების, ქართველ  და მსოფლიოს  ცნობილ სპორტცმენებზე .  წარუდგენენ და გააცნობენ თანაკლასელებს( pover-poin-ში) მომზადებულ სლაიდებს.

აქტივობა 3. მოსწავლეები ამზადებენ ბუკლეტებსა  და სქემატურ რუკებს.

აქტივობა 4. კლასის დონეზე მოსწავლეთა მიერ მოხდება ინიციატივების გამოვლენა და  კლასის დამრიგებლის  დახმარებით   მნიშვნელოვან საკითხებზე ყურადღების გამახვილება, მოსწავლეთა შორის  ფუნქციები გადანაწილდება სურვილებისა და  ინტერესების  შესაბამისად. ძირითადი ფუნქციების შესაბამისი აღჭურვილობის და შესრულებაზე ვალდებულების გაცნობიერება,  საკუთარი შესაძლებლობების         რეალიზების შეფასება.  მათი ინიციატივები და გადაწყვეტილების  გზების შეთავაზება  იქნება გათვალისწინებული შეჯიბრებების  დროს.

აქტივობა 5. სპორტული შეჯიბრებები

აქტივობა 6. სპორტული მუზეუმის დათვალიერება

ამოცანა : პროექტის  მონიტორინგისა და შეფასების განხორციელება

აქტივობა 1. შუალედურად ერთხელ,  კვირის შემდეგ და პროექტის ბოლოს განხორციელდება  მონიტორინგი და შედეგების შეფასება. მონიტორინგს განახორციელებენ მოსწავლეები და მათი მშობლები   წარმოდგენილი სქემების შესაბამისად.

პროექტის განხორცილების რისკებისა და შესაძლო ხარვეზების გათვალისწინება

პროექტის განხორციელების დროს შეიძლება წარმოიშვას რისკები მაგ: მოსწავლეთა ავადმყოფობა.შესაბამისად ვითვალისწინებ ამ რისკებს და მზად ვარ ამ რისკების დაძლევისათვის.

სამუშაო გეგმა                          

N

საპროექტო საქმიანობები

პასუხისმ გებელი პირი

1 დღე

2დღე

3დღე

4 დღე

5დღე

6დღე

7დღე

8 დღე

9დღე

10დღე

11დღე

1

მოსამზადებელი სამუშაოები – განხორციელების, მონიტორინგისა და შეფასების პროცესის დაგეგმვა

მასწავლებელი

2

ტრენინგი1 სპორტული  შეჯიბრებების დროს მოსწავლეთა დაკომპლექტების წესი და ძირითადი ფუნქციები. შეჯიბრებების დროს საჭირო ქცევის წესების ,მოსწავლის უფლებების და მოვალეობების შემუშავება და გაცნობა.

3

ტრენინგი 2 მოსწავლეთა და მშობელთა შორის  ფუნქციების გადანაწილება სურვილებისა და ინტერესების შესაბამისად და მათ შესრულებაზე ვალდებულება,საკუთარი შესაძლებლობების         რეალიზების შეფასება.

4

ტრენინგი 3 შეჯიბრების  დროს ჩაცმულობა და საჭირო აღჭურვილობა

5

შეხვედრა მოსწავლეთა ინფორმირება ადამიანის ცხოვრებაში სპორტის მნიშვნელობაზე

6

მოსწავლეთა ჯგუფები მოიპოვებენ ინფორმაციას საყვარელი სპორტის ,საყვარელი სპორცმენების, ქართველი  და მსოფლიოს  ცნობილ სპორტცმენებზე   წარუდგენენ და გააცნობენ თანაკლასელებს( pover-point-ში) მომზადებულ სლაიდებს.

7

მოსწავლეები ამზადებენ ვიდეორგოლებს, ბუკლეტებსა  და სქემატურ რუკებს.

8

საკლასო ინიციატივების გამოვლენა; რეკომენდაციების მომზადება

9

სპორტული შეჯიბრებები

10

სპორტული მუზეუმის დათვალიერება

11

მონიტორინგი და შეფასება

პროექტის შეფასების კრიტერიუმები

ა) პროექტის შეფასება  მონაწილეთა   მიერ

თარიღი:

ჯგუფი:

ამოცანის განხორციელების  ვადა :

შინაარსობრივი  სამუშაო

მოვაგვარეთ:

მოცემულ ვადაში ჩვენ      შემდეგ სამუშაოს წარმატებით გავართვით   თავი:

 ––––––––––––––––––––––––––––––––––––––––––––––––––––––––––––––––––––––––––

წავაწყდით   დაბრკოლებებს:

მოცემულ დროში ჩვენ     შეგვექმნა სიძნელეები შემდეგი სამუშაოს    შესასრულებლად

ჩვენ ალბათ გვესაჭიროება –––––––––––––––––––––––––––––––––––––––––––––––––

ამისათვის ჩვენ      გადავწყვიტეთ –––––––––––––––––––––––––––––––––––––––––––––

ჯგუფში      თანამშრომლობა:

პროექტზე მუშაობის დროს ჯგუფში წამოიჭრა შემდეგი პრობლემები––––––––––

პრობლემების გადაჭრას შემდეგნაირად  შევეცადეთ ––––––––––––––––––––––––––

პრობლემა ამით :ა) მოგვარდა  ბ) არმოგვარდა

საჭიროებები:

ჩვენ      გვესაჭიროება –––––––––––––––––––––––––––––––––––––––––––––––––––––––

ბ) მოსწავლეებზე დაკვირვების  ცხრილი განხორციელების პროცესში

დაკვირვების საგანი	კომენტარი
შედგა თუ არა თანამშრომლობა ჯგუფებში
იყნენ თუ არა მოსწავლეები მოტივირებულნი და რამ განაპირობა მოტივაცია
აგრძელებენ თუ არა მოსწავლეები მუშაობას გაკვეთილების შემდეგ. მონაწილეობდნენ თუ არა სპორტულ  შეჯიბრებებსა და დილის გამამხნევებელ ვარჯიშებში.
ჰქონდა თუ არა მათ შეხვედრებს პროექტის განხორციელებისას სისტემატიური და საქმიანი ხასიათი

გ) პროექტის შეფასების კითხვარი

 პროექტის დასახელება:

 პროექტზე მუშაობის ვადები:

 ჯგუფი: 

 საყვარელო მოსწავლეებო, იმისათვის რომ მომავალში პროექტზე მუშაობა გავაუმჯობესოთ , ჩემი დიდი სურვილია გავარკვიოთ , როგორ შეაფასებდით მას.

როგორი შთაბეჭდილება დაგრჩა ამ პროექტზე მუშაობით ? რაიმე ახალი ისწავლე?

ა) ძალიან ბევრი ახალი რამ ვისწავლე;

ბ)მე ახალი ვისწავლე;

 გ) მე ნაკლებად ვისწავლე ახალი;

 დ) მე არაფერი მისწავლია ახალი;

 პროექტზე მუშაობისას როგორ შეიცვალა შენი ურთიერთობა ჯგუფის წევრებთან?

 ა) ბევრად უკეთესი

 ბ) უკეთესი;

გ) დარჩა ისეთივე როგორიც იყო;

დ) ურთიერთობა გაუარესდა.

შენთვის ნათელი იყო საკუთარი როლი პროექტის წარმატებით განსახორციელებლად და შედეგის მისაღწევად?

 ა) სრულიად ნათელი იყო;

ბ) ძირითადად ნათელი იყო;

გ) ნაკლებად ნათელი იყო;

დ) სრულიად გაურკვეველი იყო

ჩვენი პროექტის შედეგებით სრულიად კმაყოფილი ვარ:

ა) სრულიად ვეთანხმები;

 ბ) ვეთანხმები;

გ) ნაწილობრივ ეთანხმები;

დ) არ ვეთანხმები

განსაკუთრებით რას შეაქებდი ან გააკრიტიკებდი პროექტში?

 შექება :

კრიტიკა:

დიდი მადლობა დახმარებისათვის.